Equipo de Normalización Lingüística do IES Viós

Amoriños collín...

2012-02-16T14:08:00.007+01:00

No IES de Viós celebramos a nosa particular gala do amor o martes 14 de febreiro. Foi a cerimonia de entrega de premios do noso Corcurso de microrrelatos Amoriños collín... en 100 palabras.

Botámolo a andar o Departamento de Lingua Galega e Literatura e mais o Equipo Normalización e Dinamización Lingüística. Comezamos mergullánnos na técnica do microrrelatos, cunha escolma deles tirada de Nin che conto, de Xosé Manuel Eyré. Axudouno tamén un decálogo adaptado da Cadena SER. Así, foi todo o alumnado elaborando os seus propios microrrelatos: literatura da terra, literatura en galego!

Deixámosvos aquí unhas imaxes da nosa gala de microrrelatos, na que poderedes ler o texto gañador e tamén os tres accésits que decidiu outorgar o xurado. Parabéns ao gañador e felicidades tamén os tres autores das mencións especiais.

E como se dixo na gala, non sexades malos; deixádevos querer, agora e sempre, pola literatura, polos libros e pola lingua galega!

XULIA: Que magnífico exemplo!

2012-02-05T19:30:00.006+01:00

AMORIÑOS COLLÍN...

2012-02-05T18:22:00.005+01:00

Xa está posto en marcha o concurso de microrrelatos Amoriños collín... que organizamos entre o EDL e o Departamento de Lingua Galega. A estas alturas, todos debedes saber que é e que non é un microrrelato e coñecedes as bases do concurso, expostas nos corredores,só queda animarvos a participar. Lembrade que o prazo para depositalos na urna - na biblioteca-remata o mércores 8. Os microrrelatos presentados estarán expostos no espazo da lingua do vestíbulo. Animádevos!! Ten premio!!

A paz, cuestión de fondo

2012-01-16T10:14:00.005+01:00

Desde hoxe, e ata fin de mes, contamos no centro coa exposición A paz, cuestión de fondo. Serviranos de base para conmemorar o día 30 de xaneiro o Día Internacional da Paz. A exposición , organizada polo Fondo Galego de Cooperación e Solidariedade, chega a nós grazas ao Concello de Abegondo. A mostra está formada por 16 cartaces, cada un deles con dúas ilustracións realizadas por 16 artistas de diferentes países que nos fan reflexionar a través das súas ilustracións sobre os prexuízos existentes arredor do racismo, da guerra, das desigualdades sociais... Segundo os seus organizadores, a exposición propón verdades en miniatura que retratan a sociedade contemporáanea, que serve de repaso á realidade actual e tamén como punto de debate cargado de sátira e ironía para amosar a cruenta realidade.

BO NADAL

2011-12-21T13:05:00.001+01:00

O Valedor do Pobo e a lingua propia de Galicia

2011-12-20T08:42:00.004+01:00

Recollemos aquí o posicionamento da Coordinadora Galega de Equipos de Dinamización Lingüística ante a resolución tomada polo Valedor do Pobo na que solicita a retirada dun libro de texto de Educación Primaria. E recollémola tal cual porque, como EDL do IES de Viós subscribimos cada unha das súas palabras: non podiamos dicilo nin máis claro, nin máis forte, nin mellor.

REGALA GALEGO

2011-12-19T22:53:00.004+01:00

Máis ideas para regalar galego e en galego: coma en anos anteriores collemos emprestado o catálogo de agasallos que elaboran no CPI Vicente Otero Valcárcel de Carral Toma nota!

AGASALLA GALEGO

2011-12-17T18:52:00.006+01:00

Catálogo de nadal de Abertos ao Galego

Publish at Calaméo or browse others.

Agasalla en galego! Aquí tes algunhas ideas que A MESA reúne nun catálogo para axudarche na túa procura: Son produtos en galego e produtos de empresas que traballan en galego. Outra forma máis de dinamizar a lingua dentro do ámbito empresarial.

FINAL DO CONTRASINAL

2011-12-07T21:09:00.002+01:00

Rematamos o noso concurso do CONTRASINAL. Unha mágoa, a verdade! Xa nos afixeramos a que, con cada recreo, chegase a hora de escoitar aos nosos compañeiros e compañeiras, de velos actuar competindo por ser a parella que máis palabras acertaba, a que menos castelanismos empregaba, a que era capaz de cazalos nun voo e corrixilos segundo "escapaban" das súas bocas...en fin, competindo por acadar unha vitoria que, a medida que nos aproximabamos á final, era máis difícil de conseguir.

No Equipo de Dinamización Lingüística quedamos máis que satisfeitos: moi satisfeitos. Non esperabamos que o concurso tivese tan boa acollida. Era realmente un pracer ver a sala chea cada recreo. A final foi ben emocionante e ben reñida. Gañou a parella formada por Álvaro e Sabela, do grupo de 3º bilingüe, pero a diferenza coa parella que representaba a 1º A , Lorena e Clara, foi certamente escasa.

Sen dúbida, un concurso que lembraremos, tanto polo ben que nolo fixeron pasar, como polo que con eles aprendemos!

CONTRASINAL

2011-11-28T10:04:00.002+01:00

Rematada a 1ª fase do concurso do Contrasinal, pasan a semifinais as seguintes parellas:

Adrián e Carlos de 4º

Álvaro e Sabela de 3º

Iago e Alexandre de 2º

Clara e Lorena de 1º

Estade atentos ao cartaz do corredor onde vos iremos avisando das datas de cada unha das quendas. O mércores 30 continuamos! Non faltedes: a competición vai gañando emoción conforme nos imos achegando á final.

CONTRASINAL

2011-11-18T08:43:00.004+01:00

LEMBRADE! O próximo luns 21, no recreo e na aula de usos múltiples, terá lugar a primeira fase do concurso CONTRASINAL que organiza o EDL xunto co Departamento de Galego. Unha vez seleccionadas as parellas que representarán a cada clase, a primeira quenda correspóndelles aos dous grupos de 4º. Tedes no corredor o cartaz coas bases, coas regras e co marcador para que poidades seguir a competición.

Non faltedes! Promete ser entretido!!

RECURSOS PARA A APRENDIZAXE

2011-11-03T09:47:00.004+01:00

Unha novidade nesta sección: coa chegada de Fátima Ruibal ao Departamento de Galego chegou tamén o seu blog: GALEGOparaTIc .

Un blog ben completo en recursos de todo tipo, con moitas posibilidades de exercicios e actividades interactivas que Fátima vai actualizando en función dos contidos que se están a traballar nas aulas.

Así que, aí vos "desviamos". Picade no enlace e tedes acceso directo.

CUNQUEIRO, tamén no cinema

2011-10-28T20:06:00.008+02:00

Este venres estréase Sinbad nos cinemas galegos. É unha adaptación da obra de Cunqueiro dirixida por Antón Dobao e protagonizada por Xosé Olveira "Pico",no papel de Sinbad e Sara Casanovas, Luís Zahera ou Antonio Durán "Morris", entre outros actores e actrices.

Sinbad, extraordinario fabulador, conta as súas viaxes pasadas, reais ou non, aos seus compañeiros diarios de café e dominó na taberna. O dono desta, Mansur, é viúvo e tén unha filla preadolescente, Sara. Sinbad mantén con ela unha relación moi afectuosa. Acompáñaa ás veces á escola e apréndelle cousas do mar e das estrelas. Sara é a mellor receptora de todos os contos que narra Sinbad. Historia baseada na novela de Álvaro Cunqueiro Si o vello Sinbad volvese ás illas. Iniciouse a rodaxe o 9/5/2011e estréase nas salas comerciais o 28/10/2011 (6 salas en VO galego). A súa estrea na CRTVG está prevista para decembro de 2011.

Xa sabedes, aproveitade! Non hai moitas ocasións de ver cine en galego!

HABERÁ PRIMAVERA

2011-10-27T22:36:00.008+02:00

César Morán presentou, na Asociación Cultural Alexandre Bóveda da Coruña, o seu último traballo discográfico: Haberá primavera, un libro-disco co que o músico coruñés homenaxea a Álvaro Cunqueiro, homenaxe que como o propio César comentou:

" non podía deixar de facer no ano no que se celebra o seu centenario".

Esta nova produción de César Morán- que aínda non viu a luz, pero que o fará o 11 do 11 do 2011-contén un disco dobre: un cunha coidada selección de poemas que vai desde a poesía reflexiva contida en Herba aquí e acolá ata a poesía vangardista de Mar ao Norde ou de Poemas do si e do non e outro, no que se recolle a última entrevista concedida por Don Álvaro Cunqueiro un mes antes do seu pasamento, precisamente ao propio César Morán.

No tocante á música, César sorpréndenos cunhas composicións de ritmos variados e ricos que suman emoción ás palabras do poeta. Magníficos músicos, entre eles Uxía Senlle, acompañaron a César nunha gravación de luxo.

En canto publiquen Haberá primaver,terédelo na Biblioteca á vosa disposición. No entanto, se queredes un adianto, picade neste enlace.

UNHA BOA E UNHA MALA

2011-10-18T08:56:00.006+02:00

Dúas novas sobre lingua e cultura galega nos medios: unha boa e unha mala.

V Televisión estrea unha nova serie: Lendas vivas , 13 capítulos en forma de documentais ficcionados, dedicados ás historias transmitidas en Galicia de xeito oral durante séculos.

No blog o falar non ten cancelas ofrécennnos o primeiro capítulo, por se queredes saber de que vai.

A mala: a desaparición da edición dixital de Xornal de Galicia, outro espazo menos para a lingua galega que ve así notablemente minguada a súa presenza nos medios de comunicación.

CENTENARIO DE CUNQUEIRO

2011-10-11T12:13:00.008+02:00

Reanudamos as publicacións neste blog-que tiñamos certamente abandonado- cun documental dirixido por Antón Reixa e que vimos no verán na 2ª canle de TVE: un estupendo traballo co que podedes achegarvos á figura de Álvaro Cunqueiro ( Mondoñedo, 22 de decembro de 1911), do que celebramos este ano o centenario do seu nacemento.
O documental reúne imaxes de arquivo nas que o propio Álvaro Cunqueiro fala das súas claves literarias, os seus amigos, os seus gustos… Testemuñas ás que se suman os máis dunha decena de familiares, escritores, críticos, amigos e especialistas como Xoan Bello, Quico Cadaval, Xavier Castro, César Cunqueiro, Juan Ramón Díaz, Luis Mateo Díez, Francisco Fernández del Riego, José María Merino, César Antonio Molina, César Morán, Sacha Ormaechea e Nélida Piñón.

DESDE A USC ANÍMANNOS A SEGUIR...OU A EMPEZAR!

2011-06-27T11:06:00.000+02:00

Marchamos de vacacións, pero queremos deixarvos aquí uns vídeos de Núñez Singala que nos fan reflexionar e non esquecer... Feliz verán!!

YouTube playlist

REMATANDO O CURSO

2011-06-20T10:12:00.004+02:00

O xoves 23 rematamos e no EDL pensamos que, para celebralo, nada mellor que UNHA FESTA DE PALABRAS!! porque sempre é unha festa escoitar a Cándido Pazó, xa habitual nas celebracións do instituto, pero que nos segue sorprendendo e emocionando como a primeira vez.
E nesta ocasión temos, tamén, un convidado novo: Manuel Pardo, o escritor de Bordel, de quen non temos máis que gabanzas, e a quen agardamos con moita ilusión.

Ata a festa!

20 ANOS DE EQUIPOS DE NORMALIZACIÓN E DINAMIZACIÓN

2011-05-23T11:55:00.002+02:00

A COORDINADORA GALEGA DE ENDL organiza para o día 4 de xuño unha xornada coa que quere dar visibilidade ao traballo realizado polos Equipos de Normalización e Dinamización Lingüística ao longo dos 20 anos que levan creados. Nós sumámonos á súa iniciativa e aproveitamos para agradecer a toda a comunidade educativa a súa participación, a súa colaboración e o interese mostrado polas actividades que ata agora levamos desenvolvidas.

LETRAS VIVAS: YOLANDA CASTAÑO EN VIÓS

2011-05-10T13:51:00.011+02:00

Hoxe tivemos a fortuna de poder asistir no instituto a un recital de Yolanda Castaño. A actividade, organizada a través do Concello de Abegondo, forma parte do programa Letras Vivas e permitiunos celebrar a Festa das Letras dun xeito diferente. A presenza de Yolanda Castaño achéganos á literatura galega contemporánea, supón unha aproximación á realidade literaria e cultural máis viva, máis actual. A mestura que Yolanda fai da palabra escrita e outros medios alternativos, coma o vídeo clip, prendeu no alumnado que quedou, en principio, sorprendido ao comprobar como a poesía rompe as barreiras da escritura e salta ás pantallas e combínase coa imaxe e coa música, creando outra forma distinta de expresión.

"Para min, a maior sorpresa foi comprobar todos os medios que temos ao noso alcance para expresar os nosos sentimentos poéticos, sen limitarnos a un papel en branco"

Sara Uzal

"A poesía de Yolanda Castaño é distinta e moi contemporánea. Usa un vocabulario rebuscado, por veces tétrico, expresivo e con palabras que transmiten moita beleza. Os videoclips que montou coa poesía, non só transmiten sentimentos a través da palabra, senón tamén a través da imaxe"

Cristina Barreiro

"Gustoume a maneira de representar os poemas cos vídeos que, iso si, teñen un toque sinistro; gustoume a súa voz tranquila e a riqueza do seu vocabulario"

Sabela Patiño

"Pareceume unha actividade distinta e entretida. Yolanda inspirábame unha gran confianza e admirei o seu gran talento. Tamén me convenceu para escribir máis, e non só narración: un poema pode dicir moito en moi pouco espazo. O seu estilo pareceume moi diferente e moi ampla a temática que agochan os seus poemas."

Aroa Facal

A Sara Uzal quedáronlle ganas de ver máis videopoemas de Yolanda Castaño, así que, para ti, Sara:

NOVO DISCO DE DOA: A FRONDA DOS CERVOS

2011-05-08T19:19:00.005+02:00

O grupo DOA está estes días a presentar, nas principais cidades galegas, o seu novo disco: A fronda dos cervos e queremos anuncialo aquí porque é un magnífico traballo que vos interesará, sen dúbida, a todos os que gostades da lírica medieval e da boa música. DOA transpórtanos á Idade Media e, a través da magnífica voz da soprano Susana de Lorenzo, gozamos das letras das cantigas de Pero Meogo, oímos o mar de Vigo de Martín Códax, o canto de Mendiño á Illa de San Simón, o escarnio de Airas Nunes... e todo cuns arranxos musicais magníficos- interpretación libre das Cantigas de Alfonso X- frescos e contemporáneos. O libreto contén, ademais, un estudo crítico-literario das cantigas galego-portuguesas realizado polo profesor Federico Pérez e unha fermosa introdución da poeta Eva Veiga. Todo un luxo!

VISITA A MELGAÇO

2011-05-03T11:40:00.012+02:00

Este curso aproveitamos a oportunidade que nos ofreceu o Proxecto Terra do COAG, a través dos seus Intercambios Territoriais e visitamos a vila portuguesa de Melgaço. Esta saída foi realmente un agasallo para o alumnado de 1º de ESO que, durante o segundo trimestre, traballara con moito interese a unidade didáctica de Identidade Territorial, nas aulas de Ciencias Sociais e Lingua Galega.
Foi unha visita de dous días, moi ben aproveitada, na que aprendemos moitísimas cousas, pero sobre todo, tomamos conciencia de todo o que nos une con Portugal: lingua, cultura, tradicións, clima, relevo, paisaxe... certamente, unha mesma identidade que traspasa a fronteira política.

"Eu agradezo moito o convite do Proxecto Terra, sen el non poderiamos gozar de tan bo aloxamento nin da atención dos monitores, que en todo momento intentaron que a nosa viaxe fose satisfactoria. Deime conta de que non temos demasiadas diferenzas, e que eles falasen en portugués, facíame sentir a gusto porque era como o galego. E o mesmo, coa comida; compartimos os mesmos gustos; por exemplo, polo viño, e tamén, algo que me sorprendeu moito, polos churros...! que non esperaba atopar alí." Lidia

" A min paréceme que esta excursión gustoulle a todo o mundo. Foi moi curta e iso quere dicir que o pasamos moi ben. Persoalmente, gustoume moito o ben que conservan o seu patrimonio histórico e tamén me agradou a súa forma de ser, a súa simpatía." Antía

"Unha cousa que me impresionou moito foi a perfecta organización do territorio: os castelos estaban situados nos lugares máis altos, con vistas a todo o val para poder vixiar posibles ameazas. Aprendín o significado de moitas palabras con este traballo: freguesía, grañas, rueiros, brandas, inverneiras..." Nando

"Pareceume unha viaxe moi interesante e divertida pero, sobre todo, moi didáctica e instrutiva. Chamoume a atención a fermosa paisaxe que vimos na subida ao castelo de Castro Laboreiro" Icia

"Sorprendeume moito o ben que nos entendemos cos guías dos lugares que visitamos e todo o que con eles aprendemos: No Parque Nacional Peneda-Gerês, no Museo do Cinema, no Museo da Emigración e do Contrabando...tamén me sorprendeu o albergue: un lugar con moita "clase", moi cómodo e moi divertido" Lucía Tudó

"Cando chegamos ao Parque Nacional da Peneda-Gerês, algunhas compañeiras máis eu comentamos que parecía a América das películas, polas enormes árbores de cor verde forte e polas montañas de rochas e penedos...Non fun capaz de entender case nada do vídeo en portugués, pero si comprendín todo o que o guía, no seu portu-galego, nos explicou. Gustoume moito o museo do cine: encantáronme as lámpadas máxicas!" Sara Parga

" Unha viaxe moi divertida, xa teño ganas de que se repita! Nahuel

CAMPAÑA DE PROLINGUA EN DEFENSA DA LNL

2011-04-14T15:08:00.006+02:00

A carta aberta ao Presidente da Xunta, coa que Prolingua lle demanda o seu compromiso público coa Lei de Normalización Lingüística, segue sumando apoios. Se ti tampouco queres permanecer indiferente ante os ataques á lingua, podes asinala picando aquí.

DIALECTOLOXÍA PARA 4º

2011-04-07T13:27:00.003+02:00

Para o alumnado de 4º da ESO, que estades vendo as variedades da lingua na clase, o Departamento de galego déixavos esta presentación que recolle as variedades dialectais para que poidades consultala.

Flores e espiñas do mes de abril

2011-04-07T09:31:00.010+02:00

ESPIÑAS para MARINEDA CITY que renega do galego en toda a súa publicidade. Deixámosche o enlace á campaña que Pro-lingua organiza para manifestar o seu descontento. A imaxe collémoslla prestada a Carta Xeométrica!

FLORES para EL puto Coke, orgulloso do galego no seu último traballo: Irmán-GgAa-LEGO. Compróbao no vídeo!!

Por que o preguntas?

2011-04-05T12:32:00.003+02:00

Nova campaña da Coordinadora Galega de Equipos de Normalización: esta vez co obxectivo de facernos reflexionar sobre a pervivencia e actualidade dos prexuízos lingüísticos. Se picas na imaxe poderás acceder a unha escolma de actividades e de recursos que nos axudan a mudar as actitudes negativas cara o galego.

FRONTEIRAS

2011-03-30T12:04:00.009+02:00

Deixámosvos outro vídeo máis para axudarvos no estudo das diferentes variedades xeográficas do galego. Neste caso, é un documental gravado en Ibias, localidade asturiana que linda con Galicia e que comparte con nós lingua e cultura.

A fala de Ibias incluíríase dentro do bloque Oriental (fixádevos por exemplo nos ditongo en "cuando" e "muito" ou a conxunción copulativa "ie") e dentro deste estaría dentro da área asturiana (emprego dos artigos determinados el para o masculino e lo para o neutro e do indeterminado úa). Ao longo do vídeo observamos as diferentes opinións dos propios falantes sobre a clasificación do seu idioma:trátase de galego oriental ou, pola contra, é bable occidental? Escoitalos é suficiente para recoñecer neles a mesma lingua que nós falamos,coas mesmas características dialectais que podemos atopar no concello lucense de Negueira de Muñiz, co que comparte área.A isoglosa que marca a fronteira entre o galego oriental e as falas asturianas e leonesas é a ditongación "ie" e "ue" (piedra e rueda) que, como podemos observar no vídeo, non se dá no galego de Ibias. A fala de Ibias é un claro exemplo da non coincidencia das fronteiras administrativas coas fronteiras lingüísticas.

GALEGO NO VAL DE ELLAS

2011-03-22T16:57:00.000+01:00

Mirade que interesante traballo sobre A Fala, o galego que se fala no Val de Ellas ( Val de Xálima) en Estremadura. Unha lingua que en palabras de Henrique Costas , lingüista galego e profesor na Facultade de Filoloxía e Tradución de Vigo, "está máis viva no Val de Xálima que en Galicia".

Este blog créase polos EDLG dos IES Lagoa de Antela, de Xinzo de Limia, Monte Carrasco, de Cangas, e Julio Prieto Nespereira, de Ourense, para compartir os distintos materiais elaborados para unha viaxe planificada ao Val do Eljas. E nós, co seu permiso, aproveitámonos do seu traballo para aportarvos máis información, sobre todo aos que agora estades inmersos no estudo das variedades da lingua e dos Bloques dialectais.

Unha mostra, en vídeo, de anticipo, pero animádevos a entrar no seu blog para saber máis.

DIALECTOLOXÍA

2011-03-22T12:55:00.005+01:00

Nova entrega do Departamento de Lingua galega! Aquí queda a presentación sobre Dialectoloxía. A estudar!!

RECURSOS PARA A APRENDIZAXE

2011-03-14T10:00:00.007+01:00

Como estas semanas o alumnado de 1º e 2º estades estudando os Prexuízos Lingüísticos, o Departamento de galego déixavos aquí estes vídeos que os explican clarísimamente: non quedan dúbidas!.

MERCEDES PEÓN, SOS

2011-03-13T09:19:00.004+01:00

O pasado venres, 11 de marzo, Mercedes Peón presentou no Teatro Colón da Coruña, o seu último traballo: SOS, un disco "impactante", diferente, máxico, difícil de etiquetar. En SOS, Mercedes Peón expresa, nas súas palabras, unha chea de "emocións, sensacións e reivindicacións" dun xeito novo na música galega, que fai que traspase as fronteiras e a faga universal. Compróbao!

ADEUS A FLOCOS.TV

2011-03-02T16:27:00.007+01:00

Cando nós estreamos este blog, foi a primeira entrada que puxemos, o primeiro enlace...porque o seu contido era ben interesante: permitíanos estar ao día das novidades na produción audiovisual galega; de flocos.tv sacamos curtas, animacións ou documentais que empregamos para o traballo nas aulas, pero agora : "esta web xa non está operativa". Deixárona morrer, como a tantas outras iniciativas que tanto conviñan á cultura galega... Mágoa!

RECURSOS PARA A APRENDIZAXE

2011-03-01T13:44:00.006+01:00

Recollemos nesta entrada un par de presentacións realizadas polo Departamento de Lingua e Literatura Galegas, que vos virán moi ben aos de 1º e 2º , agora que empezades a estudar os temas de Sociolingüística.

A SEMANA DAS CURTAS

2011-02-25T17:34:00.001+01:00

O EDL e a Biblioteca do centro sumámonos á participación neste ciclo virtual de exhibición do audiovisual galego que nos ofrece o EDL do IES Audiovisual de Vigo e a CGENL.

Do 28 de febreiro ata o 11 de marzo proxectaremos na Biblioteca unha selección das curtas incluídas neste proxecto.

Estade atentos! No taboleiro do vestíbulo anunciaremos con tempo cada proxección.

BANCO DE PALABRAS

2011-02-19T18:27:00.007+01:00

Hoxe, 21 de febreiro, presentamos o vídeo "Banco de palabras" realizado polo EDL. O obxectivo que nos guiou foi a recollida daquelas palabras polas que temos especial querenza, porque llas escoitamos a nosos avós, a nosos pais, a algún veciño... e que non queremos que se perdan. Pensamos que así, compartíndoas, é a única forma de salvalas.

A actividade tivo unha estupenda acollida entre a comunidade educativa: alumnado, profesorado, persoal non docente... e agardamos que teña continuidade, que poidamos gravar máis volumes, que xuntemos un lote de palabras que logo espallaremos para que recuperen o uso que, nós pensamos, merecen.

Untitled from Equipo Normalización Viós on Vimeo.

ACTIVIDADES PARA O DÍA DA LINGUA MATERNA

2011-02-18T15:54:00.005+01:00

Actividades Torna do teu

Luns 21 ás 13:35 horas:

Presentación do vídeo Banco de palabras realizado polo EDL do IES Viós. Para todo o alumnado. En Usos Múltiples.
Entrega de agasallos para os participantes no vídeo.

Martes 22 ás 11:30 hs. Na biblioteca:

Visionado do documental “Los idiomas sí que cuentan “ editado pola UNESCO.

21 DE FEBREIRO: DÍA INTERNACIONAL DA LINGUA MATERNA

2011-02-18T10:00:00.000+01:00

A UNESCO quere promover, coa celebración do Día Internacional da Lingua Materna, a diversidade cultural e o multilingüismo, consciente de que os idiomas desempeñan unha función esencial no desenvolvemento, ao garantir a diversidade cultural e o diálogo intercultural.

"As linguas son, de maneira intrínseca, vectores de comprensión dos outros e de tolerancia. O respecto de todos os idiomas é un factor decisivo para garantir a coexistencia pacífica, sen exclusións, de todas as sociedades e, dentro delas, de todos os seus membros". Irina Bokova, Directora xeral da UNESCO. (2010)

PDF Lingua materna

Publish at Calaméo or browse others.

Esta presentación, Transmisores da lingua e dos abrazos, chegounos a través de Guada desde San Marcos ( de novo, grazas!). Uns consellos para as nais e os pais con fermosas ilustracións feitas na escola infantil Raiola.

POESÍA GALEGA

2011-02-13T10:19:00.009+01:00

A nosa entrada anterior tiña, certamente, un ton desesperanzado, pero non imos decaer!! Así que hoxe, 14 de febreiro, empapelamos os corredores do instituto con corazóns cheos de poesía amorosa galega; quizais algún deses versos fique na túa memoria ou no teu corazón ... e iso será suficiente para nós.

E se a poesía galega resulta, entón, obxecto do teu interese, que saibas que desde hai uns días contamos cunha nova páxina, dentro da web do Consello da Cultura: poesiagalega.org, unha base de datos na que poderás atopar textos críticos, imaxes, audios, vídeos documentais, libros xa descatalogados...é dicir, todo o relacionado coa poesía galega dos dous últimos séculos.

POR QUE AS BOLBORETAS SE VOLVEN "MARIPOSAS"?

2011-02-12T11:23:00.007+01:00

Por que non llo dis en galego?

por que non che vale quérote?

Por que non lle fas garatuxas ou aloumiños?

Por que non lle roubas un bico?

Por que non lle mandas unha aperta?

Por que non sentes bolboretas no estómago?

Preguntas coma estas facémonos estes días no Equipo de Dinamización Lingüística, logo de observar, con moita tristura-todo hai que dicilo-, que de 80 alumnos e alumnas que participaron con entusiasmo na actividade "O Correo do amor" deseñada pola Biblioteca do centro, só 2 escolleron o galego para escribir as súas mensaxes amorosas. Mesmo os que teñen o galego como lingua habitual, cambiaron de lingua para manifestarlle a alguén a súa estima ou o seu amor. Por que?

2ª ENTREGA: RECURSOS

2011-02-08T12:00:00.003+01:00

http://endlvaldotea.blogspot.com/2011/02/quen-dixo-que-los-suaves-non-cantaban.html

Atopamos no blog "COUSAS NOSAS" esta entrada que nos vén de marabilla para completar a nosa anterior. Máis a conto imposible!

RECURSOS PARA A APRENDIZAXE

2011-02-08T09:55:00.006+01:00

Estes días estamos a falar moito nas clases de 2º de poesía: de fondo e forma, de temática, de intención poética, de poesía intimista e de poesía social, de compromiso...
Para exemplificar algúns conceptos de forma sinxela e próxima, Óscar, sempre disposto e xeneroso, preparounos desde o seu blog "Mis Apuntes Musicales" esta atractiva presentación dunha peza de Lamatumbá. Disfrútaa e logo falamos!

http://www.wix.com/misapuntesmusicales/lamatumba

A CUARTA PAREDE

2011-02-07T22:20:00.005+01:00

Unha boa nova: a creación da primeira revista dixital de crítica cinematográfica en galego, A CUARTA PAREDE. Editada por Eloy Domínguez e Víctor Paz, que pretenden con ela "encher un oco informativo sen ocupar, como é a promoción especializada dos nosos autores e circuitos de exhibición, na nosa lingua"

A revista contará con seis seccións diferentes entre as que atoparemos: reseñas de filmes, reportaxes, traballos de investigación e entrevistas. Os contidos do portal renovaranse cada seis ou sete semanas, "atendendo ás citas máis importantes do calendario cinematográfico", explican os seus creadores.

RECURSOS PARA A APRENDIZAXE

2011-02-07T21:54:00.004+01:00

Recollemos nesta entrada varios materiais que elaborou o Departamento de Lingua e Literatura Galegas e que vos serán de utilidade aos de 1º e 2º que estes días empezaredes a estudar os temas de Sociolingüística. Aquí quedan á vosa disposición.

Diversidade lingüística 1º ESO

Publish at Calaméo or browse others.

SOCIOLINGÜÍSTICA'>http://www.calameo.com/books/0001348598d33a21821fa">SOCIOLINGÜÍSTICA 2º ESO

http://v.calameo.com/2.1/cmini.swf?bkcode=0001348598d33a21821fa&langid=es&clickTo=embed&clickTarget=_self&autoFlip=0&showArrows=1&page=1"> name="allowscriptaccess" value="always" />http://v.calameo.com/2.1/cmini.swf" type="application/x-shockwave-flash" allowscriptaccess="always" allowfullscreen="true" wmode="transparent" style="width:340px; height:247px" flashvars="bkcode=0001348598d33a21821fa&langid=es&clickTo=embed&clickTarget=_self&autoFlip=0&showArrows=1&page=1">

Publish'>http://www.calameo.com/upload/">Publish at Calaméo or browse others.

DÍA DA PAZ

2011-01-31T14:44:00.001+01:00

Este abrazo grande mandóunolo Guada desde San Marcos. Grazas,Guada!!

DÍA DA PAZ

2011-01-30T11:47:00.003+01:00

Unha historia sen palabras, porque non lle fan falta. Unha historia que nos fai reflexionar e que nos anima, porque hai esperanza.

OSCURO CARDINAL from adrianguerra on Vimeo.

Esta curta atopámola en trafegandoronseis, un blog magnífico e, sobre todo, moi xeneroso. Entrade nel. Asombrádevos coa cantidade de traballos que foron xuntando, navegando na rede, entre outros moitos blogs educativos.Tedes á vosa disposición unha morea de materiais para lembrar este día: curtas, animacións, presentacións, recomendacións lectoras, música...

Non deixedes de entrar: de verdade, vale a pena!

RECURSOS PARA A APRENDIZAXE

2011-01-27T16:02:00.003+01:00

Esta vez, os recursos son para o alumnado de 4º curso. Aquí vos queda unha presentación cos conceptos do tema de sociolingüística que estades traballando na clase.Pica e amplía a imaxe para vela ben.

Sociolingüística de 4º ESO

Publish at Calaméo or browse others.

VISITA DE ANXO FARIÑA

2011-01-10T18:04:00.007+01:00

Hoxe os alumnos e alumnas de primeiro tiveron a fortuna de disfrutar da compañía de Anxo Fariña; a fortuna de aprender con el algunhas técnicas da ilustración e os principios básicos para a creación dunha historia.

A visita de Anxo Fariña encádrase dentro do programa Bocaberta, co que a Secretaría Xeral de Política Lingüística busca promover o uso do galego entre os rapaces e rapazas de 3 a 18 anos, e conta coa colaboración do Concello de Abegondo.

Era unha visita ben agardada, pois o alumnado de primeiro, que leu o 1º libro dos Megatoxos no trimestre pasado, estaba desexando coñecer o creador deses superheores cos que tanto disfrutaron.

Varios alumnos comentaron ao final do obradoiro, ante as cámaras da TVG que viñeron gravalos, que a mellor conclusión que sacaron é que, con interese e imaxinación, é doado crear a túa propia historia e que calquera obxecto, por miúdo e insignificante que sexa, pode transformarse en obxecto artístico.
Quen sabe...!Quizais das aulas de 1º saian historias ou personaxes que cheguen a ver a luz!!

HISTÓRIA DO NATAL DIGITAL

2010-12-21T12:49:00.005+01:00

Aquí tedes unha nova, nunca mellor dito, moi nova forma de contar a historia. Isto si que é adaptarse aos novos tempos!

FELICES FESTAS!

2010-12-18T17:49:00.004+01:00

O EDL do IES de Viós quere desexarvos unhas festas ben felices a todos e a todas e aproveitámonos das tarxetas que fixestes estes días e que están cargadas de bos desexos. Disfrutade! Descansade! Vémonos á volta das vacacións!

AH! Os de 1º lembrade que ao volver temos unha cita con Anxo Fariña!

REGALEMOS GALEGO

2010-12-18T17:16:00.006+01:00

O CPI Vicente Otero Valcarcel de Carral agasállanos de novo este nadal o seu magnífico traballo en forma de catálogo: un catálogo moi axeitado para todos aqueles que esteades buscando algo diferente para regalar nestas datas. É unha guía estupenda para atopar agasallos galegos e en galego. Picade no enlace anterior e botádelle unha ollada! Seguro que atopades algo!

RÚA AIRE

2010-12-02T12:25:00.003+01:00

Hoxe, 2 de decembro, achegouse a nós a neve amezante e peligrosamente. Collemos medo a saír cun autobús cargado de cativos cara A Coruña. Tiñamos moita ilusión por asistir á representación da obra RÚA AIRE a cargo da compañía O Retrete de Dorian Grey, pero...non puido ser! mágoa!
De todos xeitos, no Forum Metropolitano, moi amablemente, resérvannos as entradas para a 1ª obra que sexa axeitada para nós, así que, non desesperedes...sen teatro non imos quedar!
Xa sabemos que non é consolo pero queremos deixarvos aquí un vídeo para, polo menos, ter unha idea do interesante traballo de O Retrete de Dorian Grey.

PREMIO FERNÁNDEZ-LATORRE A MÉNDEZ FERRÍN

2010-11-26T21:58:00.007+01:00

Hoxe estamos contentos porque coa concesión do premio Fernández-Latorre a Xosé Luis Méndez Ferrín, presidente da Real Academia Galega, unha figura fundamental na literatura galega e un home cun compromiso constante e irrenunciable coa lingua e a cultura galegas ( en palabras do xurado que lle concedeu o premio) recoñécese tamén a todos aos homes e mulleres de letras que escollen o idioma propio desta nación atlántica para lle transmitir ao mundo o seu propio mundo interior, a través do libro, a través dos media.( en palabras de Méndez Ferrín)

Pasa pola biblioteca e pregunta polos libros de Ferrín; aconsellaranche a mellor forma de achegarte á súa obra.

RECURSOS PARA A APRENDIZAXE

2010-11-26T17:53:00.005+01:00

Outra forma diferente de contar a HISTORIA DA LINGUA esta vez contada con moito humor polo escritor Pepe Carreiro. Esta vaivos gustar, seguro!! Aínda vai ser verdade que estudar é divertido!!

Open publication - Free publishing - More lingua

RECURSOS PARA A APRENDIZAXE

2010-11-26T16:57:00.007+01:00

O Departamento de Galego está elaborando unha serie de materiais complementarios que, supoñemos, van ser unha boa axuda para a aprendizaxe dalgúns contidos que teredes que adquirir ao longo deste curso. Pensamos aloxalos neste blog para que os teñades a man; para que o acceso a eles sexa rápido e doado. Iremos colgando tamén outros materiais que consideremos proveitosos para vós; así que, pasádevos por aquí de vez en cando para ver as novidades.

Empezamos coa HISTORIA DA LINGUA GALEGA nunha liña do tempo que esperamos vos axude a comprender mellor as diferentes situacións de uso polas que a lingua galega foi pasando a través da súa historia. As imaxes e os multimedia que contén , seguro que vos fan máis doada e atractiva a aprendizaxe deste tema.

DÍA INTERNACIONAL CONTRA A VIOLENCIA DE XÉNERO

2010-11-25T21:32:00.006+01:00

O Consorcio das Mariñas súmase aos actos que hoxe se celebran en todo o mundo para manifestar o seu NON! á violencia de xénero. Hoxe, 25 de novembro, presentaron este vídeo dentro da campaña UNHA SOA VOZ CONTRA A VIOLENCIA DE XÉNERO.

POLO SAN MARTIÑO...

2010-11-19T10:42:00.004+01:00

Nunha entrada anterior, animabámosvos a coller de novo os peóns e sacalos ao camiño; facelos bailar e divertirvos un pouco. Por se perdestes a práctica, aquí vos deixamos un vídeo. Ides ficar pampos, seguro! É incrible o que se pode facer cun peón. Iso si, como todo se moderniza, estes son acrobáticos...

HUMOR

2010-11-19T10:35:00.002+01:00

Aquí tedes: para botar unhas risas!!

DÍA DO PEÓN

2010-11-11T09:33:00.008+01:00

Como en anos anteriores, recollemos a chamada que Brinquedia, a rede galega de xogo tradicional, fai o 11 de novembro. Unha chamada de atención á nosa memoria colectiva, un xeito divertido de manter vivo o noso patrimonio inmaterial.

Divertido, si. Proba a facer bailar o peón, a bailalo sobre a palma da man, a bater nun peón que baila no chan...

Lembra que no Departamento de Educación Física hai unha boa colección de peóns; pídeos sempre que che apeteza probar!

Din os refráns:

"Polo san Martiño, peóns ao camiño"

"Polo santo Antón, peóns ao caixón"

Tradicionalmente foi sempre un xogo estacional, pero nós témolos á túa disposición todo o curso! Aproveita!

DÍA DA CIENCIA EN GALEGO

2010-11-03T22:01:00.007+01:00

Hoxe celébrase, por primeira vez, o Día da Ciencia en Galego, pero de certo será unha data que, a partir de agora, lembraremos cada ano, como facemos con outras tan significativas para a nosa lingua.

Nesta xornada son tres as figuras que se quere homenaxear: Ramón María Aller Ulloa (1878-1966) matemático e astrónomo galego; James Clarck Maxwell (1831-1879), físico escocés e Afonso X o Sabio(1221-1284).

Na web cienciaengalego.org podedes atopar información interesante e na páxina da coordinadora galega de equipos de normalización, unha boa selección de actividades que demostran que a aprendizaxe das ciencias, das matemáticas, da tecnoloxía...é posible en galego, por máis atrancos que lle poñan!

PALABRAS ENCADEADAS

2010-11-02T20:39:00.012+01:00

Onte, 2 de novembro, fomos ao teatro os de 3º e 4º. Talía Teatro representaba a obra Palabras encadeadas. Esta é a terceira obra que vemos deste grupo que non deixa de sorprendernos e de conmovernos coas súas postas en escena.

Velaquí algúns comentarios dos compañeiros de 3º:

Pareceume unha gran obra; sempre tiñas que estar pendente do que pasaba para non perder o fío...nunca sabías o que ía pasar.Tanto podían poñerse a xogar ás palabras encadeadas, como poñerse a falar da súa vida, ou gastar bromas de moi mal gusto...( Isaac Araújo)

Os actores fixérono moi ben; sobre todo, Ramón, que tiña que representar dous papeis: un para facer crer a Laura que era inocente e outro, acto seguido, para que crese que era culpable. (Lucía Gándara)

Pareceume unha obra moi interesante, estaba moi ben representada; ata me engaiolaban a min mesmo, xa que Ramón dicía cousas distintas sobre os asasinatos: primeiro culpándose, despois desculpándose...(José Corral)

É unha obra moderna e sorprendente. Gustoume moito. (Andrea Méndez)

Gustoume moitísimo como Ramón enganaba a todo o público facendo que unha e outra vez lle deramos voltas ao asunto...(Tamara Núñez)

Gustoume tanto pola súa credibilidade, como polo seu argumento... ( Carlos Brandariz)

DE VOLTA!

2010-10-26T15:17:00.005+02:00

Estamos de volta!

Tardamos en "conectarnos", pero aquí estamos outra vez. O EDL proponse como obxectivo principal para este curso achegarvos a todas as manifestacións culturais en galego ( teatro, cine, concertos, contacontos...) que nos sexa posible. Estamos dispostos a apuntarnos a todo; o límite poñerao - coma sempre- o orzamento co que contamos, non esquezades que tamén a nós nos afecta a crise e os recortes orzamentarios.

Para empezar, aí vai a primeira proposta: o día 2 de novembro convidamos ao alumnado de 3º e 4º á representación da obra Palabras encadeadas do grupo Talía Teatro. Será no Forum Metropolitano e seguro que disfrutaremos ( lembrade as outras postas en escena que vimos deste grupo e que sempre nos emocionaron). En xaneiro os convidados serán os de 1º e a obra escollida RÚA AIRE da compañíaO retrete de Dorian Gray.

O CONSELLO ESCOLAR REXEITA O NOVO DECRETO

2010-06-07T11:05:00.006+02:00

O Consello Escolar do IES de Viós , na reunión do pasado 4 de xuño, acordou por unanimidade manifestar o seu rexeitamento do Decreto de plurilingüismo no ensino por considerar que:

Empeórase a, xa de por si deficiente, competencia lingüística en galego.

Impídese a tarefa normalizadora do profesorado.

Desvalorízase a función docente e a súa profesionalidade.

Socava a autoridade do profesorado ao lanzar ao alumnado a idea de que o profesorado fai o que decide a familia, mentres que o alumnado decide ao seu antollo.

Abre a porta a numerosos conflitos nos centros, que antes da aplicacaión desta norma non existían.

É unha norma contraria ao consenso parlamentario do Plan de Normalización Lingüística aprobado por unanimidade polo Parlamento de Galicia no 2004.

Así mesmo, na reunión anterior, manifestara o seu descontento ante os recortes nas axudas que a Secretaría de Política Lingüística destina este curso aos Equipos de Dinamización e Normalización Lingüística, recortes que, coma no noso caso, chegan a un 30% e que supoñen un atranco á hora de realizar as actividades que o ENDL deseña para acadar os seus obxectivos.

QUE VAI SUPOÑER O NOVO DECRETO?

2010-05-27T21:18:00.004+02:00

Se te fas esta pregunta, podes atopar algunhas respostas nunha presentación moi clara e concisa (ademais de atractiva) que a Coordinadora galega de Equipos de Normalización ten colgada na súa páxina.

Non tes máis que pinchar neste enlace e accederás directamente a ela. Sairás de dúbidas!

PASOU O DÍA, PASOU A ROMARÍA

2010-05-06T12:55:00.004+02:00

O mércores 5 celebramos a nosa particular Festa das Letras. Pasamos un día estupendo; moi entretido grazas ás actividades que o alumnado do Taller de Iniciativas Emprendedoras organizou para nós: O grupo Migallas fíxonos rir ( tamén reflexionar sobre a actual situación da nosa lingua); comemos todos xuntos; vimos a película Os mortos van ás presas, gravamos as nosas palabras para o Banco de palabras, recibimos o número extraordinario do Boletín do ENDL, bailamos ao son que marcaba a música pinchada polos DJ's David e Iago...
Total: que non paramos.
Nos corredores do Instituto seguen colgadas as dúas exposicións:

A dos Boletíns do ENDL dende 1999

A dos cartaces de Uxío Novoneyra enviada por Política Lingüística

Queremos lembrarvos que continuamos coas gravacións para o Banco de palabras. Se aínda non gardaches as túas, estás a tempo. Atoparasnos nos recreos, na Biblioteca.

FESTA RACHADA!!!

2010-04-29T13:29:00.005+02:00

A semana do 3 ao 7 de maio en Viós estamos de festa!!! Que celebramos? Pois moitas cousas: os dez anos do BNL, as Letras Galegas, si, antes do 17 de maio, porque somos así de chulos, porque nos peta, queremos e nos dá a gana (ademais de certos problemillas para encaixar datas).
Así que, veña, aí vai o programa de actividades:

BANCO DE PALABRAS: Cos tempos que corren, tes medo pola sorte que poden correr as túas palabra s, esas que recordas con especial agarimo e xa non te fías de que alguén mire por elas? ESQUÉCETE: O Banco de Palabras do ENDL de Viós ofréceche a mellor garantía para o futuro das túas palabras; somos líderes en conservación, connosco as túas palabras están nas mellores mans ( e sen custo algún para o depositante). Vai pensando cales son as máis valiosas para ti e nós ofrecémosche a seguranza da súa conservación.

Do 3 ao 7 de maio: Exposición dos Boletíns do ENDL na entrada do IES.

Martes 4 de maio: Presentación na biblioteca ás 11,30 hs. "Dez anos de Boletín do ENDL"

Mércores 5 de maio: Festa das Letras Galegas, organizada polos alumnos de Obradoiro de iniciativas emprendedoras co horario seguinte:

- De 9 a 11,25 hs: Clase normal.
- 11,25 hs: Entrega do número especial do BNDL curso 2009-2010, coa colaboración especial na súa elaboración de ex-alumnos e ex-profes do Centro.
- De 11,30 hs. a 12 hs: recreo.
- 12 hs: Grupo Migallas co espectáculo O cantante e as mulleres.
- 13,30 hs: Preparación do xantar.
- 14 hs: Xantar campestre.
- 15,15 hs. Proxección do filme Os mortos van ás présas.
- 16,45 hs: DJ
- 17.50 hs: Recollemos e " pa casiña, que son horas"

A desfrutar! A nosa lingua ben merece unha festa!

UXÍO NOVONEYRA: LIÑAS DO TEMPO

2010-04-23T11:33:00.003+02:00

Da páxina da Coordinadora galega de Equipos de Normalización sacamos esta liña de tempo coa que podes coñecer algúns dos feitos máis salientables da vida e da obra de Uxío Novoneyra, ordenados cronoloxicamente. Móvete por ela, amplía as imaxes e detente nas páxinas que máis che interesen.

UXÍO NOVONEYRA NA REDE

2010-04-20T14:25:00.011+02:00

Que sorprendente e xeneroso este mundo virtual! Segue asombrando a capacidade infinita de compartir que nos ofrece. Estes días, cercanos á celebración do Día Das Letras Galegas, no que homenaxeamos a Uxío Novoneyra, as redes énchense de estudos, de vídeos, de escolmas da súa obra en forma de atractivas presentacións...traballos realizados en lugares distantes, por xente que non coñecemos-pero que sabemos xenerosa- cos que podemos disfrutar e dos que podemos aprender moitísimo; e todo cunha facilidade e unha inmediatez que segue admirando.

Non hai escusa: non aprendemos se non queremos.

Aquí queda unha mínima mostra do que podedes atopar visitando páxinas coma a da Coordenadora Galega de Equipos de Normalización, ou coma a da AS-PG, ou toda unha morea de blogs que conteñen estupendas referencias á vida e obra do poeta do Courel: podedes velo, oílo recitar os seus poemas, coñecer a súa traxectoria literaria...
Entrade e disfrutade!

VISITA AO CENTRO DE INTERPRETACIÓN DO XOGO TRADICIONAL "BRINQUEDOS"

2010-04-11T09:27:00.008+02:00

Como xa sabedes, un dos obxectivos fixados polo ENDL é a conservación e promoción do noso patrimonio inmaterial e , para acadalo, programamos- xunto co Departamento de Educación Física- unha visita ao concello da Capela. Fomos o pasado día 9 as alumnas e alumnos de 1º de ESO e abofé que aproveitamos a mañá.

Primeiro visitamos o Museo Etnográfico: unha magnífica colección de útiles, ferramentas, apeiros e obxectos que recrean, nunha fermosa rectoral rehabilitada, a vida cotiá labrega doutros tempos. Moi interesantes as explicacións sobre oficios e ocupacións case esquecidas: os traballos do liño, da lá, da malla, dos zoqueiros, dos follateiros, dos xastres, das tecelás...

Logo fomos para o CEIP Mosteiro de Caaveiro onde disfrutamos practicando unha serie de xogos tradicionais- tamén cotiáns noutros tempos e hoxe en semi-abandono- no espazo que este colexio creou hai uns anos como Centro de Interpretación do Xogo Tradicional. Unha mañá de sol perfecta para xogar, para aprender e sobre todo, para non esquecer.

HUMOR GRÁFICO

2010-03-26T19:27:00.005+01:00

Visitamos o blog de Xoán Andrade e atopamos unhas pingas de humor gráfico- e crítico - que queremos compartir contigo. Escollemos unha das que tratan o tema da lingua, pero se queres ver máis... pica no enlace:

http://xoan-andrade.blogspot.com

MÁIS SOBRE TOPONIMIA

2010-03-17T13:15:00.009+01:00

Dá para moito o tema da toponimia! Non é só o inverosímil emprego de Toro, Puentenuevo ou Desván de los Monjes...Alguén ten que ter competencia para amañar as desfeitas coas que nos atopamos en tantos lugares. Como é posible, aínda hoxe, ver tres sinais coma estes que indican a chegada a unha poboación do noso concello? Que razón teñen os do chiste anterior!!

DESVÁN DE LOS MONJES

2010-03-12T11:34:00.005+01:00

Atopamos este chiste no blog da Silva que nos fixo tanta graza, que queremos compartilo convosco. Hai que tomar con humor- para non desesperar- os deslices lingüísticos e atentados toponímicos das nosas autoridades, que, no canto de velar pola normalización e a corrección que o seu posto implica, cometen sen rubor as máis grandes aberracións.

REDES SOCIAIS

2010-03-09T20:52:00.009+01:00

PARA NAVEGANTES GALEGO FALANTES!

Se es dos ou das que navegan por internet para ver que traen as redes, que saibas que os galegos xa temos o noso propio “twitter” co nome de latri.ca. Ademais de ser moi semellante ao twitter que xa coñecemos, incorpora algunhas novidades: amplía o número de caracteres que podes publicar, dos 140 do twitter aos 200; permite formar grupos, e por suposto, a información fundamentalmente vira ao redor de Galiza e da nosa cultura .Podes enviar mensaxes, fotos e vídeo a calquera! É doado atopar e conectarse con outras persoas para falar con eles e facer un seguimento das súas actualizacións. Todo isto cun contorno sinxelo é Latri.ca.

SEGUIMOS EN CAMPAÑA !

2010-02-24T13:29:00.007+01:00

Temos outro vídeo máis elaborado pola Coordinadora Galega de Equipos de Normalización dentro da campaña Orgullos@s do galego.

Esta vez, unha moza galega e un mozo brasileiro que se coñeceron en Nova York e que non tiveron problema para entenderse, porque o galego si ten utilidade.

NOVA CAMPAÑA EN DEFENSA DA LINGUA

2010-02-23T09:40:00.008+01:00

A Coordinadora Galega de Equipos de Normalización acaba de editar unha campaña en defensa da lingua, un vídeo para o que prestaron as súas voces actores e actrices como Luís Tosar, Martiño Rivas, Belén Regueira, María Castro... músicos como Susana Seivane... voces que mostran o seu orgullo de ser 100 % galegos.

10 ANOS DE BOLETÍN DO ENDL

2010-02-23T09:10:00.005+01:00

O ENDL está preparando a exposición 10 ANOS DE BOLETÍN: unha mostra dos exemplares publicados polo Equipo desde o curso 1999-2000 ata hoxe. A presentación da exposición terá lugar na Biblioteca e a través dela poderás coñecer como foron os inicios do Boletín e como foi transformándose - e mellorando- ao longo destes 10 cursos. Esperámoste!!

E TI, POR QUE O FALAS?

2010-02-10T12:06:00.004+01:00

Se picas neste enlace poderás ver un vídeo gravado por Daria Shornikova, unha rapaza rusa que aprendeu a falar galego e que, de vacacións en Compostela, decidiu facer un documental onde recolle as impresións de todo tipo de xente arredor da lingua galega: cal é a súa relación co idioma, como comezaron a falalo ou cales son as súas palabras favoritas.
Durante algo máis dunha hora, Daria percorre lugares como pubs, facultades ou medios de comunicación para coñecer esas historias, palabras e sentimentos de Galiza, contadas tanto por galegos de nacemento como de adopción.

55 MENTIRAS...

2010-02-08T13:42:00.009+01:00

O pasado venres 5 de xaneiro, a plataforma Prolingua presentou a súa 1ª publicación: 55 mentiras... un libro moi interesante no que se desmenten 55 falacias sobre a lingua galega moi espalladas entre a cidadanía. O libro presentouse de xeito simultáneo en 69 lugares; de maneira que, no mesmo momento, unhas 5000 persoas falaban en galego e do galego en vilas tan distintas coma Lisboa ou Melide, Londres ou Cotobade, A Coruña ou Copenhague...

A continuación deixamos unha presentación abreviada con 20 desas mentiras, unha mostra "resumida" do contido do libro.Pero se desexas ampliar esta información non tes máis que entrar na páxina web de prolingua ( mesmo podes sumarte á plataforma, se coincides cos seus obxectivos!)

EU VERSUS YO

2010-02-05T12:02:00.004+01:00

Eu versus yo (2005) é un documental de Roberto Conde e Iago García no que se fai unha análise da situación social da lingua galega a través de entrevistas e imaxes de arquivo.

Na fita participan, entre outros, Carlos Callón (Presidente da Mesa), Ramón Villares (Presidente do Consello da Cultura Galega) Bernardo Penabade (AGAL), Víctor Freixanes (director de Galaxia), Antón Costa (AS-PG), Xosé Luis Barreiro Rivas (politólogo), Delfín Caseiro (profesor de ensino secundario), Carme Hermida (lingüista), Clara Castilla (xornalista). Tamén se inclúen pasaxes da obra teatral Bicos con lingua, de Talía Teatro.

Pica aquí para visionalo.

Presentación simultánea do libro "55 mentiras sobre a lingua galega"

2010-02-03T12:59:00.004+01:00

A plataforma a prol da defensa e promoción da lingua galega ProLingua presentará o próximo venres 5 de febreiro a súa primeira publicación titulada 55 mentiras sobre a lingua galega, coordinada polo profesor da Universidade de Vigo Xosé-Henrique Costas.

Esta publicación pretende ser un argumentario sinxelo e clarificador, ao tempo que sólido e rigoroso, que axude a sociedade galega a comprender e superar aquelas valoracións e interpretacións subxectivas, ideoloxizadas desde unha óptica exclusivamente partidista, erróneas ou perversas que perseguen o obxectivo de actuaren de freo ao camiño da necesaria reposición e normalización de usos para a lingua galega no seo da súa sociedade.

Para máis información, podes consultar a súa páxina:

http://prolinguagalega.org/

FLORES E ESPIÑAS

2010-02-01T13:44:00.004+01:00

As espiñas deste mes de xaneiro son para o conselleiro de Cultura, Roberto Varela por cualificar a cultura galega de "ensimesmada e acomplexada" nunhas declaracións feitas o pasado 25 de xaneiro, nas que ademais aseguraba que a meirande parte da produción editorial galega acaba sendo adquirida pola Xunta. É así como pensa defender e promocionar a nosa cultura??

As flores son para esa boa parte da cidadanía galega, miles de cidadáns que non permanecen á marxe das decisións políticas que lles afectan, que son quen de pórse en contacto, de unirse, de crear colectivos ou plataformas ( Prolinguagalega, Queremos galego...) para defender un obxectivo común: a nosa lingua.

2010-01-29T12:35:00.003+01:00

Moitas son as reaccións provocadas pola publicación das bases do novo decreto de plurilingüismo; moitas delas cargadas de carraxe pero tamén de ironía, de burla, de humor... Escoita no reproductor que aparece a continuación unha versión " trilingüe" dun poema de Celso Emilio Ferreiro.

2010-01-29T12:30:00.002+01:00

MENOS MAL QUE NON PERDEMOS A RETRANCA !

2010-01-25T14:14:00.001+01:00

Trilingüismo Harmónico?

DECRETAZO

2010-01-19T12:05:00.003+01:00

O Equipo de Normalización e Dinamización Lingüística do IES Viós tampouco non DÁ CRETO ao que está a ocorrer co galego. A quen lle molesta tanto a nosa lingua? A quen ofende? Quen sofre no seu propio territorio a descriminación senón os galego-falantes? Por que se teme tanto avanzar nunha suposta normalización lingüística? Como non nos indignamos todos cando se poñen no mesmo plano unha lingua allea, por moi internacional que sexa, coa nosa propia lingua?

A RAG vén de presentar o documento que cuestiona mesmo a legalidade do decreto que se quere levar adiante. Podedes acceder a este documento picando aquí.

2010-01-18T13:42:00.003+01:00

Novo decreto

Como xa sabedes, o pasado 30 de decembro o goberno galego presentou as chamadas “Bases para a elaboración do decreto do plurilingüismo no ensino non universitario”, unha proposta para regular as linguas vehiculares.

O ENDL do IES de Melide elaborou un esquema moi claro cos aspectos fundamentais destas bases. Colgámolas aquí por se queres enterarte mellor ou aclarar dúbidas sobre os cambios que supón con respecto ao Decreto actual.

Tamén deixamos un enlace no que podes ler a primeira análise que destas bases fai a Coordenadora galega de Equipos de Normalización e Dinamización Lingüística, da que este ENDL forma parte.

A plataforma Queremos Galego convoca unha folga para o día 21 de xaneiro para parar este novo decreto.

2009-12-18T12:34:00.001+01:00

FELICES FESTAS PARA TODOS!!

REGALEMOS GALEGO 2009

2009-12-15T10:21:00.002+01:00

Catálogo “Regalemos Galego 2009”
O Equipo de Normalización e Dinamización Lingüística do CPI Vicente Otero Valcárcel de Carral (A Coruña) publica por segundo ano un catálogo de agasallos de Nadal en galego.
Parécenos unha estupenda iniciativa pois, aínda que pareza mentira, o galego non está nin moito menos normalizado nos espazos de ocio, na música, nos programas informáticos ou nas redes sociais nas que se move a mocidade galega.
É moi difícil atopar xoguetes, bonecas, consolas...nos que o galego estea presente; noutros é máis doado: libros, música, roupa...pero estes produtos carecen da publicidade necesaria por parte das superficies comerciais e teñen, polo tanto,pouca visibilidade social.
Asi que, é de agradecer o traballo feito no CPI Vicente Otero Valcárcel de Carral.
Podes consultalo pinchando aquí.

2009-12-09T15:46:00.003+01:00

Se premes na imaxe que aparece máis abaixo, atoparás unha escolma de contos de medo recollidos polos alumnos e alumnas do IES. Atréveste? Disfrutarás da aventura!

Contos F.2 def.

Publish at Calaméo or browse others.

2009-12-09T15:15:00.003+01:00

Aquí queda un "remedio" que Sechu Sende propón para os males que aqueixan á nosa lingua neste tempo de inverno. Pincha neste enlace para ler o documento.

Linguas Cruzadas

2009-11-24T17:22:00.003+01:00

Recomendámosvos que lle botedes un ollo a este vídeo, un documental que nos dá unha boa idea da situación actual da lingua galega entre a xuventude.

FLORES E ESPIÑAS

2009-11-24T10:10:00.002+01:00

Abrimos unha nova sección Flores e Espiñas na que imos dar parabéns a todas as iniciativas que axuden á normalización da nosa lingua, pero tamén denunciaremos aqueloutras que supoñen menosprezo para a mesma.

Flores que ben merece Balduíno Montesino- profesor canario con destino no IES de Viós dende hai tres meses- polo respecto e valoración que mostra polo galego, polo tesón co que se enfronta ao seu estudo para acadar unha competencia plena, por non relegala a un uso litúrxico , de obrigado cumprimento, por ser quen de apreciar a emoción que provoca a lectura de Se o vello Simbad volvese ás illas

Espiñas as que merece un xuíz de Alcorcón que nun auto xudicial ameaza con retirarlle a custodia das súas fillas a unha nai de Vigo por, entre outras cousas, telas escolarizado en galego, unha lingua, di o maxistrado, sen "utilidade práctica" fóra de Galicia.

En palabras do portavoz da familia: A sentenza volve a unha España cunha soa lingua e tres dialectos.

Sumamos todos

2009-11-18T13:08:00.006+01:00

Deixámosvos aquí dous enlaces de plataformas con intencións normalizadoras, creadas por cidadáns preocupados polo actual estado da nosa lingua. Podes consultalas e, se coincides cos seus obxectivos, asinar os manifestos. Accede a elas premendo nas imaxes.

2009-09-08T17:41:00.005+02:00

Flocos.tv é unha excelente páxina web posta en funcionamento pola Axenda Audiovisual Galega, onde podes disfrutar dunha grande cantidade de curtas e filmes relacionados co mundo cinematográfico galego, cunha calidade moito maior da habitual nos portais de internet. Accede a ela pinchando na imaxe e bótalle unha ollada, paga a pena!