DE VISITA POLA CAPELA

Aquí vos deixamos unha presentación onde resumimos a visita que o alumnado de 1º fixo ao Concello da Capela. Un día moi ben aproveitado, no que visitamos o Museo Etnográfico- unha magnífica representación da vida cotiá da aldea a mediados do século XX- e o Centro de Interpretación do xogo tradicional "Brinquedos", onde practicamos uns cantos xogos que xa tiñamos case esquecidos.

Fixemos logo unha ruta de sendeirismo polas Fragas do Eume, pequena porque o tempo non axudaba moito, e que remataba no Mosteiro de Caaveiro.

Unha xornada completiña para lembrar a nosa historia e para admirar a nosa natureza.

Un paseo pola historia e pola natureza

Publish at Calameo or read more publications.

Premios concurso "Cos mellores desexos..."

Cun certo retraso, todo hai que dicilo, entregamos os premios aos ganadores do Concurso Cos mellores desexos... tamén para o galego.

Os nosos parabéns a Brais Barros, que se fixo co 1º Premio -por unanimidade no xurado- coa súa mensaxe: Gustaríame seguir oíndo: pitas, pitas, pitas... e tamén a Rubén Miramontes, 2º Premio, e a Diego Medín, ganador do 3º Premio.

E as grazas, por suposto, a toda a comunidade educativa do centro pola participación xenerosa nesta actividade.